مسائكم شمس صيف حارقة تصادفنا لأول مرة بهذه الشدة
=============
أحبتي
!إنتوا ملاحظين هالصيف كيف قوي وحرارته تدوخ الراس؟
وكيف أول ما نرجع من بره نركض نشرب ماااي باارد..أو وإحنا نسوق نوقف نشتري بيبسي بارد يروي عطشنا
ليش ما نفكر في الهنود اللي بالشوارع يشتغلوا في عز الحر..الله يعينهم ويرحمنا اذا ظلمناهم
مساكين..ما في أحد يرحمهم وأصحاب هالعقارات المهم عندهم بنيانهم يكمل ..لا ويذلونهم بعد
ليش ما ما إحنا نفكر فيهم شوي..مهما كانت ديانتهم
هذي ارواح مثلنا..ويعطشون ويحسون مثلنا
!!!دخل رجل الجنة في كلب سقاه..فما بالك في ترطيب كبد بشرية
اختاروا وقت الظهر اللي الشمس تكون فيه في كبد السماء والحرارة تلفح الوجوه..ونزلوا على اقرب بقالة اشتروا منها عصاير باردة ولبن
cooler ويفضل لو معكم
متروسة ثلج عشان لا يسخن العصير
تمشوا بسياراتكم المكيفة في الشوارع والزقازيق ووزعوها على هالعمال المساكين
شوفوا ردة فعلهم..والله انهم يتفاجئون
في مرة كنت أوزع عصاير مع الوالدة..شفت هندي مسيكين يكنس الشارع ساعة 2 تقريباً
وقفت..فتحت الدريشة وناديته وطلعتله عصير من الكيس
المسكين على باله اعطيه زبالة عشان يرميها..خذاه مني وهو منزل راسه
ولما شاف ان العلبة بااااردة..رفع راسه وعيونه توسعت من الفرحة
ما عرف كيف يعبر..ظل يقول شكراً ماما شكراً
والله شعور رائع بصدق..جربوه وادعولي
^_^ حافظكم الرحمن..وإجاااااازة سعيدة
5 comments:
وعليه مساكييين يعورون قلبي
:/
عاد غريبة هالأيام ما اشوف عمال يشتغلون عندنا؟ جان عمالنا مدلعين ما يندرى عنهم
غالباً أشوفهم اوقات الصيف من العصر على أول المغرب ايون
شكراً لج :)
في الحقيقة .. مرات أرغب أن أكون خيراً إلى هذه الدرجة أختي الفاضلة .. ولكن لسببٍ ما أتفشكل !!!! أو أتوانا .. على كلٍ .. موقف رائع أختي الكريمة
حفظك الله
عسى الله يجعله في ميزان حسناتج ..
أفضل الصدقة .. سقيا الماء
و الله من طيبج :")
الله يكون بعون الجميع
جنونة : والله يكون زين لو ما يشتغلون فترة الصباح..بس أنا أشوفهم عندنا ينشوون في الشمس..الله المستعان
أقول حبيبتي..حتى لوتسقينهم بالمسا عااادي..حتى الليل حااار..موفقة دنيا وآخرة عزيزتي:)
============
فشكوول: أهلاً وسهلاً بك في مدونتي
كلنا فينا الخير الكثير..خيرُ جُبِلت عليه أرواحنا
لا تتوانى..فالجنة أغلى من ذلك
دمت خيراً
============
Kuw_Son: أسعدك الرحمن خالد :)
============
سيموونا الغالية ^_^
انتي الطيبة
ربي يحقق أمنياتج:)
Post a Comment