أمـشـي هنا جنب الزهر
على ضفاف أحلامي
قلبي انكسر
***
أرتمي بأحضان ماضي الكسير
وأسلم جوارحي للهوا
آخذ نفس.وتبعثرني ريحة غريبة
حبيتها..غربتها أليفة
وأبني جسور..هي لي وطن
وتنثني فيني هموم
وأستل أحلامي من غمد الظنون..وأصيّر أوقاتي عزوم
***
ليتها ما قربت..ما سربت حبٍ لها في قلبي انتشر
ليتها جرحتني..هزأتني
وفارقت
لكن صمتها ذبح فيني روحها..روحها اللي عششت هنا على حدود روحي
روحها اللي نادت علي..وضمدت جرحٍ قديم
هي نفسها اللي كشفت جروحي من جديد..وخلت الماضي يعود
***
ما أحب المرايا
لأنها تعكسك في داخلي
لأنها ترسم طيوفك..وتثقل كاهلي
ما أحب المرايا
لأنك كنت هنا..واقف وأنفاسك تطير كل مخاوف زرعها فيني الزمن
كنت هنا
بلسم يداويني ويبريني من زلات السنين
كنت هنا
والحين
فقدت انعكاسك..وانفاسك
***
يا ناس خلوني
وخلوا راحتي تختلي فيني
أنا ما أقوى على كسرة الخاطر
أنا مثل حبات الرمل
اذا تبعثرت..صعب تلملموني
5 comments:
تبعثرنا مع كلماتج ;p
مشاعر عشناها معاج
ليتها جرحتني..هزأتني
وفارقت
- - - - - -
ما أقساها من عبارة
أحياناً يكون الجرح أحب إلينا من استمرار فيما بعد يودي بحياتنا
لكن لا يزال هنالك أمل والقادم أحلى بالتأكيد
أنا ما أقوى على كسرة الخاطر
أنا مثل حبات الرمل
اذا تبعثرت..صعب تلملموني
عجيب هالتشبيه
شكرا لقلمك السيال ،
وحده الحزن قادر على نزع الأمان من أعماقنا ..!
الحزن معول ٌ آخر يدمرنا ..!
لم نشتهي دماره أحيانا كثيرة ؟!؟
قد يؤلمنا الجرح ويرهقنا
إلا أن خفقان قلوبنا بذكر الخالق يطمئن أرواحنا :)
ReLaaaX: يبهجني نطق اسمك..سعيدة بتعطيرك الأجواء:)
جنونة: يا صديقتي..أنتِ تفهمينني..أحب هذا التواصل منكِ
وبالتأكيد الأمل موجود..وكل ما يحدث لنا من أحزان تعتصرنا خيرٌ بإذنه تعالى
the LEADER: شكراً لطلتك:)
درة: صديقتي الرقيقة..هو ما يجعلني أستمر رغم مرارة كل شيء
هو وحده..الله
Post a Comment